侧田世界巡回演唱会WeTouchLive2015

暫無暫無暫無尚無足夠評分

側田將於今年6月5、6日，喺紅館舉行一連兩場《側田WeTouch Live2015世界巡迴演唱會》。為配合演唱會「WeTouch」主題，日前側田與一位女模影個唱海報，側田被6呎女模嘅42吋長腿纏住，甚至胸壓側田，豔福無邊！ 過往側田演唱會海報，都只得佢一個人，今年將會系佢第5次踏紅館舉行個唱，大會安排咗一位6呎女模，同側田拍攝演唱會海報。雖然女模非常神秘，全程只見手腳唔見樣，但身穿黑色透視裝嘅佢，事業線若隱若現。 甫埋位，女模喺側田身後「腿張開」，以42吋長腿搭住佢膊頭，為擺靚甫士，佢右腳「鬥零踭」就喺側田兩腿之間篤來篤去，最後「降落」喺側田大髀上。 而另一款甫士，攝影師要求女模從後攬實側田頭部，並一擁入懷，而佢就配合「touch」主題，摸摸女模玉臂，女模坐得不穩，整個上身都要挨住側田借力，兩人幾乎「零距離」，而側田目不斜視亦不敢亂鬱動，以免頭頂「警鐘」！ 側田自爆對長腿情有獨鍾，佢笑言：「今日女Model真繫好高，我喺隔離好似個細路仔，最緊要效果靚！人哋話男人對女人嘅喜好，隨住自己年紀，越老越向下走，細個鐘意睇樣，老咗鍾意睇腳，但我好早就鍾意欣賞女仔嘅腳，我比較早熟，哈哈！」 以往拍海報都是隻有自己一個人，今次不但有人陪，而且同女模有唔少身體接觸，佢話：「今次演唱會主題系『WeTouch』，所以要多啲touching，其實人與人之間應該多啲掂嚇對方，掂下你愛嘅人，唔好淨系掂住自己部手機。我好多時同一班朋友食飯，都唔準大家玩手機，要專心傾偈，要有眼神接觸。」 側田更揚言要求自己個唱上，所有觀眾放下手機，專心欣賞佢演出。